मैत्रीपूर्ण खेलमा उरुग्वे अमेरिकासँग बराबरीमा रोकियो
काठमाडौं । अन्तराष्ट्रिय मैत्रीपूर्ण खेलमा उरुग्वे अमेरिकासँग बराबरीमा रोकिएको छ । बुधबार बिहान भएको खेलमा उरुग्वे र अमेरिकाले १–१ गोलको बराबरी खेलेको हो ।
अमेरिकामा भएको खेलमा सुरुवाती अग्रता जोगाउन नसक्दा उरुग्वेले बराबरी खेलेको हो ।
खेलको ५० औं मिनेटमा ब्रेन रोड्रिगेजले गोल गर्दै उरुग्वेलाई सुरुवाती अग्रता दिलाएका थिए ।
तर, खेलको ७९ औं मिनेटमा जोर्डन मोरिसले गोल गर्दै अमेरिकालाई १–१ गोलको बराबरीमा ल्याएका थिए ।
त्यसपछि थप गोल हुन सकेन र खेल बराबरीमा सकियो ।
अर्को मैत्रीपूर्ण खेलमा कोलम्बिया र भेनेजुएलाले गोलरहित बराबरी खेलेक छन् । इक्वेडरले भने बोलिभियालाई ३–० ले हराएको छ ।
