साफ यू–१८ फुटबल : नेपाल आज भुटान संग खेल्दै
बुटवल, ५ असोज । साफ यू–१८ फुटबल च्याम्पियनसिपमा नेपालले आफ्नो दोस्रो खेलमा आज भुटान संग खेल्दै छ । समुह ए मा रहेको नेपालले समुह चरणको अन्तिम खेलमा भुटानसंग खेल्न लागेको हो ।
भुटान प्रतियोगितामा आफ्नो पहिलो खेल आज नेपाल संग खेल्दैछ । भुटानलाई हराउँदै नेपाल प्रतियोगिताको सेमिफाईनल पुग्ने लक्ष्य सहित मैदानमा उत्रिदै छ ।
नेपाल पहिलो खेलमा खेल अवधिभर माल्दिभ्सलाइ दबाबमा राखेपनि १–१ गोलको बराबरीमा रोकिएको थियो । नेपाल उमेर समुहको साफ यू–१८ फुटबलको अघिल्ला दुई संस्करणको विजेता हो ।
नेपाल रहेको समूह ‘ए’ मा माल्दिभ्स र भुटान छन् भने समूह ‘बी’ मा भारत, बंगलादेश र श्रीलंका रहेका छन् ।खेल काठमाडौंको हलचोकस्थित एपीएफको मैदानमा दिउँसो ३ बजे सुरु हुनेछ ।