सांसद पन्थीले कृष्णनगरको बारेमा लेखेपछी…

• सनिउल्ला धोबी, कपिलवस्तु असोज २३,

नेकपा (नेपाल कम्युनिष्ट पाटी) का नेता तथा ५ नं प्रदेश सभा सदस्य विष्णु पन्थीले गएराती करिब २ बजे आफनो फेसबुकमा आफुले भोगेको र देखेको कृष्णनगरको बारेमा पोष्ट गर्नु भएको छ । 

कृष्णनगरको विकासको लागि उहाँले अझै पनि धेरै काम गर्न बाकी रहेको उल्लेख गर्नु भएको छ । कपिलवस्तु कृष्णनगरको चौतार्फी विकासको लागि सकारात्मक हातेमालो गर्नु पर्ने फेसबुकमा उल्लेख भएको छ ।

  कृष्णनगर प्रती उहाँले देखाएको सदासयता देखेर धेरैले शंका उपशंका व्यक्त गर्न थलेका छन । नेकपा( नेपाल कम्युनिष्ट पाटी) का नेता तथा ५ नं प्रदेश सभा सदस्य विष्णु पन्थी एक बैचारिक तथा बौद्धिक नेता भएकोले कृष्णनगरको सकारात्मक विकासको लागि राम्रो लेखेको भनेका छन  ।  केहीले त आगमी निर्वाचनमा विष्णु पन्थी यसै क्षेत्रलाई राजनितिक क्षेत्र बनाउनका लागि यस्तो लेखेको हुन सक्ने अनुमान गरेका छन ।

 सांसद पन्थीले आफनो फेसबुकमा लेखेका छन ………………
२०५६ को निर्वाचनमा म प्रतिनिधि सभा सदस्य पदमा (तत्कालीन क्षेत्र कपिलवस्तु -४) निर्वाचन लडेदेखि पश्चिम् कपिलवस्तु प्रति मेरो जबर्जस्त लगाव र अपनत्व छ । जस्ले मलाई यो लेखाउदै छ । तल पहिलो फोटो गुगल बाट र अरु क्यामेरा बाट लिइएको कपिलवस्तु कृष्णनगरका हुन । सानाे भए पनि उतिबेला राम्रो याेजनामा बनेको कुरा प्रष्ट देख्न सकिन्छ ।

हालसम्म पनि हाम्रो प्रदेशमा खास यति ब्यबस्थित बनाइएको अर्को कुनै शहर छैन । नेपाल भारतको सिमाना यो सहर महेन्द्र राजमार्ग बन्नुपुर्व झण्डेनगरको नामले चिनिन्थ्यो (पश्चिम् कृष्णनगर) र अर्घाखाँची , प्युठान र पश्चिम् उत्तर गुल्मीको समेत प्रमुख बजार थियोे । मेरा बा शिवप्रसाद समेतले झण्डेनगर बाट बजार गरेको भोटो मैले लगाएको र नुन खाएको छु । राणा कालमा सिउराज क्षेत्र भनेर चिनिने यो पश्चिम् कपिलवस्तुको प्रशासनिक तथा आर्थिक केन्द्र र भैरहवा भन्दा महत्त्वपूर्ण थियोे ।

तर आज भने यो धेरै पछि परेको छ । अब कसरी यो गुल्जार हुन्छ ? अहिले पनि यस्ले धेरै संभावना बोकेको छ । ब्रोड्गेजको भारतीय रेल लिक यहीँ छेउ बढनि बजार बाट गएको , २२ करोड बढी जनसंख्या भएको उत्तर प्रदेशको नेपाल पस्ने भैरहवा र नेपालगंज पछिको हाम्रो प्रदेशको महत्त्वपूर्ण नाका, बन्दै गरेको कृष्णनगर चनौटा चारलेनको सडक (प्रदेश सरकारको प्रस्तावित औद्योगिक करिडोर ) , अब छिटै काम सकिने आरटिओ र हुलाकी सडक आदि धेरै कुराले यस्लाइ पर्यटकीय र ब्यापारिक हब बनाउनुपर्छ र बन्छ ।

तर पहिलो काम सफा सुग्घर र चिटिक्क रंग रोगन गर्न स्थानीय सरकार , राजनीतिक दल र तिनका भातृ संस्था , उद्योग बाणिज्य संघ , अन्य सामाजिक संघ संस्था र सबै स्थानीय बासी जनताहरु एक साथमा जागौ लागौं । त्यस क्षेत्रका संघिय तथा प्रदेश माननीय ज्यु को नेतृत्वमा विशेष सफाइ अभियानमा एकदिन म पनि संगै हुनेछु । “हाम्रो कृष्णनगर सफा र राम्रो कृष्णनगर ” ।

(लेख र फोटो सांसद पन्थीको फेसबुकबाट)