नगरप्रमुख शाहले भने “भ्रममा नपर्नुस खाेप लगाउनुस, केही भए उपचार गराउछु”

कपिलवस्तुको कृष्णनगर नगरपालिकाका नगरप्रमख रजत प्रताप शाहले काेविड १९ विरुद्धकाे भ्याक्सिन लगाउन अनुरोध गर्नु भएको छ । खोपको बारेमा समाजमा विभिन्न किसिमको भ्रमहरु रहेकोले सबैलाई ढुक्क भएर खोप लगाउन आग्रह गर्नु भयो । सरकारले ५५ बर्ष माथिकालाई आजबाट खोप लगाउन सुरु गरेको भन्दै सबैलाई खोप अगाउन नगर प्रमुख शाहले अनुरोध गर्नु भयो । खोपबाट कसैलाई केही असर गरे उपचार पालिकाले गराउने नगर प्रमुख शाहले उदघोष गर्नु भयो ।
नगर प्रमुख शाह खाेप केन्द्र शिवराज अस्पताल बहादुरगंजमा गई काेविड १९ काेराेना भइरस विरुद्धकाे भ्याक्सिन लगाउनुभएकाे हो ।
नेपाल सरकारले निशुल्क उपलब्ध गराएकाे काेविशिल्ड भ्याक्सिनकाे अभियानलाई निरन्तरता दिन नगर प्रमुख रजत प्रताप शाह आफै केन्द्रमा पुगेर खाेप लगाउनुभएकाे छ साथै ५५ बर्ष माथिका लाई अनिवार्य रुपमा खाेपकेन्द्र पुगेर खाेप लगाउन हुन अनुराेध पनि गरेका छन ।