जसपाको पदाधिकारी बैठक दिउँसो २ बजे बस्दै
काठमाडौं । -जनता समाजवादी पार्टी (जसपा) को पदाधिकारी बैठक आज पनि बस्ने भएको छ । बबरमहलस्थित पार्टी कार्यालयमा दिउँसो २ बजे जसपाको पदाधिकारी बैठक बस्ने भएको हो ।
बैठकमा पार्टीको संगठनात्मक संरचनाको खाका तयार पार्नेलगायतका विषयमा छलफल गर्न लागिएको छ । त्यसैगरी बैठकमा सत्ता समीकरणका विषयमा समेत छलफल हुने अनुमान गरिएको छ ।
बिहीबार बस्ने कार्यकारिणी परिषदको बैठकमा संगठनात्मक खाका प्रस्तुत गर्ने जसपाको तयारी छ ।