अहिले कोरोना परास्त गरौ, राजनीतिक लडाई बन्द गरौ

रहिश शाह-
नेपालको अमुल परिवर्तन २००७, २०४६, २०६२/६३ र विभिन्न चरणमा भएको मधेस आन्दोलनले सम्भव भएको हो । जुन परिकल्पना गरेर आन्दोलनका अधिबेरी आयो त्यो पुरा भएन तर हरेक पक्षको क्रमिक विकासक्रम बढेको हामी नेपालीले महसुस गरेकै छौ ।

नेपालको हरेक अप्ठ्यारो अवस्थालाई पार गर्दै एकदिन पक्कै विकाशीत हुन्छ भन्ने हामी आशाबादी छौ । यहाँको राजनीतिक परिवेशले गर्दा विकासको गति केही सुस्त भएको छ तर हामी हिम्मत हरेका छैनौ ।
अब आउने पुस्ताका नेताहरुले परिवर्तनका लागी हिजो आफुले बगाएको रगत र पसिनाको बदलामा उल्टै जनताकै रगत र पसिना चुस्ने काम पक्कै पनि गर्दैनन । नेताहरुको केहि आसेपासेहरुले थोरै कम चुरिफुरी देखाएको भए गणतन्त्र प्रति यति धेरै निरासा पलाउदैनथ्यो तर याद रहोस् रात जति नै अध्यारो र लामो भए पनि बिहानी आएरै छोड्छ। १३ बर्ष अघि राज संस्था लाई पाखालगाइ गणतन्त्र घोषणा गरिएको थियो । राजसंस्था हटाएर देश र जनता बलियो भएको थियो तर अहिले देशमा भ्रष्टाचार, सामन्तबादी सोच, सर्बसत्ताबाद, बिदेशी हस्तक्षेप जस्ता क्रियाकलापहरुलाई सदैवको लागी ठेगान लगाउनु पर्ने अवस्था छ । देशमा बैकल्पिक शक्तिका रुपमा निर्माण गर्ने मुल उद्देश्यका साथमा हिमाल देखि तराईका सबैको समाबेशीका साथ निर्माण हुन लागेको जनता समाजबादी पार्टी नेपाल अहिले फुट्को अवस्थामा आएको छ । सोच्दा पनि दुख लाग्ने र निराशाले आखामा आसु आउने अवस्था आएको छ यसको मुख्य कारण भनेकै राम्रो नियत नभएको, नस्लिय चिन्तन बोकेका र सत्ताधारी नेताहरु हुन।र अहिले जसपाका शिर्ष नेताहरुले बुझनै पर्ने अवस्था यहि हो अहिले न बुझे कहिले बुझ्ने ? एक अर्कोले आरोपप्रत्यारोप लगाउदा लज्जास्पद भएको छौं । तपाइ नेताहरुले निर्णय लिने बेलामा दुरदर्शी भएरै निर्णय लिन हुन समेत आग्रह गर्द्छु । पार्टी एकीकरण भएको दिन जस्तै खुसियाली मनाएका थियो त्यसरी नै सबैको मनमा ठेस न पुग्ने गरि निर्णय हुन्छ भनि आशामा छौँ । अहिले देशमा फुटको होइन जुटको आवस्यकता छ । अहिले विषम परिस्थितिमा संसारनै कोरोनासङ्ग हारेको अवस्थामा सबै मिलि लडौ ।
देशमा बैकल्पिक शक्ति निर्माण गर्नामा सबै मिलि संघर्ष गरौं र देशलाई उचित निकास तर्फ लैजाऔं।
संघीय लोकतान्त्रिक गणतन्त्र जिन्दावाद ।
जनता समाजबादी पार्टी जिन्दावाद ।। लेखक शाह जनता समाजवादी पार्टी,नेपालका युवा नेता हुन्।