लुम्बिनीमा मुख्यमन्त्री केसीले आजै विश्वासको मत लिने
बुटवल – लुम्बिनी प्रदेशका मुख्यमन्त्री कुलप्रसाद केसीले सोमबार विश्वासको मत लिनुहुने भएको छ ।प्रदेशसभा सचिवालयले सोमबार प्रकाशन गरेको प्रदेशसभा बैठकको कार्यसूचीमा मुख्यमन्त्रीले आजै विश्वासको मत लिने उल्लेख छ । तर लुम्बिनी प्रदेशसभा बैठक प्रमुख विपक्षी दल नेकपा एमालेले लगातार अवरुद्ध गर्दै आएको छ ।
सोमबार पनि एमालेले प्रदेशसभा अवरुद्ध गरेपछि सभामुख पूर्णबहादुर घर्तीले दिउँसो साढे २ बजेसम्म बैठक स्थगित गर्नु भएको थियो । त्यसपछि बसेको बैठकमा भने एमाले सांसदहरु सहभागीता रहेको थिएन । सो बैठकमा केही विधेयकहरु पेश गरी पुन साढे ३ बजेसम्मका लागि बैठक स्थगित गरिएको छ ।
प्रदेशसभा सचिवालयका अनुसार अब साढे ३ बजे बस्ने बैठकमा मुख्यमन्त्री केसीले विश्वासको मत लिनुहुने छ ।
हेर्नुहोस् प्रदेशसभाको कार्यसूची
–