कुकुर तिहारमा सैनिक कुकुरको पूजा (फोटो फिचर)
काठमाडौं- तिहारको दोस्रो दिन बुधबार कुकुर तिहार । आजको दिनमा कुकुरको पूजा र मीठा खानेकुरा दिने गरिन्छ । घरमा पालिएका र टोलका कुकुरलाई समेत माला लगाइदिएर मीठा खानेकुरा खान दिएर कुकुर तिहार मनाइन्छ ।
कुकुरलाई यमराजको द्वारपाल र बफादार प्राणीको रुपमा लिइन्छ । कुकुर तिहारको दिन नेपाली सेना, नेपाल प्रहरीले पनि आफ्ना कुकुरहरुको विशेष पूजा गर्ने गर्छन् । नेपाली सेनाको भैरव बहान गुल्ममा बुधबार कुकुरको पूजा गर्ने, कुकुरका विभिन्न खेल खेलाउने गरिएको छ ।