लुम्बिनी प्रदेश सभापतिमा पौडेल समूहको उम्मेदवार अमरसिंह पुन
काठमाडौं – नेपाली कांग्रेसको संस्थापनइतर समूहले लुम्बिनी प्रदेश सभापतिमा अमरसिंह पुनलाई अघि सारेको छ । रोल्पाका निवर्तमान जिल्ला सभापति समेत रहन। भएका पुनले लाई उम्मेदवारी समेत घोषण गर्नु भएको छ ।
संस्थापन समूहले लुम्बिनीमा भरत कुमार शाहलाई उम्मेदवार बनाउने निर्णय यसअघि नै गरिसकेको छ । शाह रुपन्देही–५ बाट लगातार तीनपटक निर्वाचित सांसद समेत हुनुन्छ । उहाँ सार्वजनिक लेखा समितकिा सभापति र पूर्व अर्थराज्यमन्त्रीसमेत हो ।
पौडेल समूहले सभापतिमा अमरसिंह पुन (रोल्पा), उपसभापतिमा भुवन श्रेष्ठ (गुल्मी) र अष्टभुजा पाठक (रुपन्देही)लाई उम्मेदवार बनाउने निर्णय गरेको छ ।
यसैगरी महामन्त्रीमा विक्रम खनाल (नवलपरासी) र सुरेन्द्रराज आचार्य (कपिलवस्तु) उम्मेदवार हुनुन्छ । सहमहामन्त्रीका उम्मेदवारहरुमा खगराज पाण्डे (दाङ), विष्णु मुस्कान (अर्घाखाँची) र निमा गिरी (प्युठान) रहनु भएको छ ।
लुम्बिनी प्रदेशको अधिवेशन रुपन्देहीको भैरहवामा आजदेखि शुरु हुँदै छ । पार्टीको १४ औं महाधिवेशन अन्तर्गत लुम्बिनीमा वडा तहदेखि जिल्लासम्म संस्थापन र संस्थापन इतर पक्षले अधिकांश स्थानमा छुट्टाछुट्टै प्यानल बनाएर प्रतिस्पर्धा गरेका थिए ।
लुम्बिनी प्रदेशका १२ जिल्लामध्ये बाँके बाहेक ११ जिल्लाको अधिवेशन सकिंदा रुपन्देही र बर्दिया बाहेक ९ जिल्लामा संस्थापन इतरले जिल्ला सभापति जितेको छ । रुपन्देही र बर्दियामा संस्थापन पक्षले जितेको छ ।
