महाराजगन्जको मेयर र उपमेयरमा कांग्रेस निर्वाचित
अर्जुन बेल्बासे,कपिलवस्तु – कपिलवस्तुको महाराजगन्ज नगरपालिकाको मेयर र उपमेयरमा नेपाली कांग्रेसका उम्मेदवार निर्वाचित भएका छन् । मेयरमा दोस्रो कार्य कालको लागि अब्दुल कलाम निर्वाचित हुनु भएको हो भने उपमेयरमा रिता कुमारी कुर्मी निर्वाचित हुनु भएको हो ।
अन्तिम मतपरिणाम अनुसार मेयरमा निर्वाचित नगर प्रमुखका उम्मेदवार कलामले १० हजार २ सय मत प्राप्त गर्नु भएको छ भने उहाँका निकटतम प्रतिस्पर्धी नेकपा एमालेका रामदास चौधरीले ८ हजार ६ सय ६८ मत प्राप्त गर्नु भएको छ ।
यस्तै उपमेयरमा निर्वाचित कुर्मिले ११ हजार १ सय ६१ मत प्राप्त गर्नु भएको छ भने निकटतम प्रतिस्पर्धी एमालेकी भानमति यादवले ७ हजार२ सय मत पाउनु भएको छ।
महाराजगन्ज नगरपालिकामा कांग्रेसकोको तर्फबाट उपमेयर पदकी उमेदवार बनेकि सुभावती कुर्मीको मृत्यु भएपछि महाराजगन्जमा जेठ ३ गते निर्वाचन भएको थियो ।उपप्रमुख जितेकी रीताले सासुको मृत्युपछि उपमेयरको टिकट पाएकी हुन् । उनकी सासु शुभावतीको उम्मेदवारी दर्ता गरेपछि निधन भएको थियो । त्यसपछि कांग्रेसले रीतालाई उम्मेदवार बनाएको हो ।
महाराजगन्ज नगरपालिकामा १,२,३, ५,६,८,१०,र ११ नम्बर वडामा कांग्रेसका वडा अध्यक्ष निर्वाचित भएका छन । वडा नम्बर ४ मा लोकतान्त्रिक समाजवादी पार्टीका वडा अध्यक्ष ,वडा न ९ मा नेकपा एमालेका वडा अध्यक्ष र वडा नम्बर ७ माजनता प्रगतिशिल पार्टी, नेपालका वडा अध्यक्ष निर्वातिच भएका छन ।
