धनगढी आयल निगमको भण्डारण क्षमता बढेन
धनगढी- अत्यावश्यक बस्तु ९० दिनसम्म पुग्ने गरेर भण्डारण हुनु पर्ने मान्यता छ । तर निक्कै महत्वपूर्ण मानिने धनगढीस्थित नेपाल आयल निगमको प्रादेशिक कार्यालयसंग बढीमा पाँच दिनसम्म वितरण गर्ने गरेर पेट्रोलियम पद्धार्थ भण्डारण गर्ने क्षमता रहेको पाइएको छ ।
धनगढीको मुख्य बजारमा पेट्रोलियम भण्डारण गृह छ जग्गा पनि आवश्यक्ता भन्दा धेरै कम डेढ विगाहा मात्र छ त्यसैले ९० दिनसम्म पुग्ने गरेर पेट्रोलियम पद्धार्थ भण्डारण गृह बनाउने गरेर काम गर्न सकेका छैनो प्रादेशिक कार्यालयका प्रमुख रामकुमार न्यौपानेले बताउनुभयो ।
खास गरेर नाकावन्दी, प्राकृतिक विपत्ति लगायत समस्याको सामना गर्नका लागि ९० दिनसम्म अत्यावश्यक बस्तु भण्डारण हुनु पर्ने मान्यता छ । अर्कोतिर बढ्दो जनसंख्यालाई ध्यान दिएर पनि भण्डारण क्षमता बढाउनु आवश्यक रहेको उपभोक्ता हकहीत संरक्षण मञ्चका केन्द्रीय उपाध्यक्ष धनपति ढंगेल बताउनुहुन्छ
