प्रदेश विशेष अनुदानसम्बन्धी कार्यविधि पास
धनगढी- सुदूरपश्चिम प्रदेश सरकारले प्रदेश विशेष अनुदानसम्बन्धी कार्यविधि २०७९ मन्त्रिपरिषद् बैठकबाट पास गरेको छ । बुधवार बसेको मन्त्रिपरिषद् बैठकले सो कार्यविधि पास गरेको हो । साथै विशेष अनुदानको बजेट सिलिङ कम्तीमा २५ लाख रुपियाँको बनाएको छ ।
यसैगरी मन्त्रिपरिषद्ले प्रदेश समपूरक अनुदानसम्बन्धी कार्यविधि २०७९ स्वीकृत गरेको छ । समपूरक बजेट अनुदानको सिलिङ कम्तीमा ५० लाख रुपियाँको बनाइएको छ ।
