प्रतिनिधि सभा सदस्य मञ्जु अन्सारीले गरिन् शपथग्रहण
काठमाडौं- प्रतिनिधि सभाकी समानुपातिक सांसद मञ्जु शर्मा अन्सारीले आज शपथ ग्रहण गरेकी छन् । समानुपातिक निर्वाचन प्रणालीबाट प्रतिनिधिसभा सदस्य पदमा निर्वाचित शहनाज रहमानको निधन भएपछि रिक्त रहेको स्थानमा अन्सारी सांसद बनेकी हुन् ।
उनलाई सभामुख देवराज घिमिरेले सिंहदरबारस्थित कानुन समितिको हलमा शपथ ग्रहण गराएका छन् । २०७९ सालको प्रतिनिधिसभा सदस्य समानुपातिक निर्वाचन प्रणालीअन्तर्गत जसपाबाट बन्दसूचीको मुस्लिम क्लस्टरको क्रमसंख्या २ मा अन्सारीको नाम हो उनी सप्तरी निवासी हुन् ।
