दासढुङगा नजिक यात्रुबाहक बस दुर्घटना, १९ जना घाइते
चितवन- चितवनको दासढुङगा नजिक यात्रुबाहक बस दुर्घटना हुँदा १९ जना यात्रु घाइते भएका छन् ।
काँकडभिट्टाबाट काठमाडौ तर्फ गइरहेको ०१-००६ ख ५२३७ नम्बरको यात्रुबाहक बस अनियन्त्रित भई आज बिहान दुर्घटना भएको हो ।
बस सडकबाट करिब १० मिटर तल खसेर रुखमा अडकिएको छ ।
घाइतेहरुलाई उपचारका लागि भरतपुर पठाइएको छ । घटना लगत्तै यात्रुहरुको उध्दार गरिएको चितवन प्रहरीले जनाएको छ ।
