भारतले जित्यो यू–१९ साफ च्याम्पियनसिप
काठमाडौं । यू–१९ साफ च्याम्पियनसिपको उपाधि भारतले जितेको छ ।
शनिबार भएको फाइनलमा पाकिस्तानलाई हराउँदै भारतले उपाधि हात पारेको हो ।
दशरथ रंगशालामा भएको फाइनल खेलमा भारतले पाकिस्तानलाई ३–० गोल अन्तरले हराएको हो ।
खेलको ६४ औं मिनेटमा किपगेनले गोल गर्दै भारतलाई अग्रता गराएका थिए । त्यसपछि ८५ औं मिनेटमा किपगेनले फ्रिकिकमार्फत ब्यक्तिगत दोस्रो गोल गरे ।
इन्जुरी समयमा उनै किपगेनको क्रसमा डिबक्सभित्र रहेका गोगमसर गोयारीले हेडमार्फत गोल गर्दै भारतलाई ३–० को जित निकालेको हो ।
