Connect with us
Kapilvast Forest

विरामीसँग जन्म दिन मनाउदै तिर्था (हेर्नुस् पाच तस्वीर)

२०७६, २७ असार शुक्रबारमा प्रकाशित

भैरहवा, असार २७ । जन्मदिन अर्र्थात बर्थ डे मनाउने चलन नेपालमा त्यति पुरानो नभएता पनि आजकल अत्यन्तै चल्तीमा रहेको छ । पश्चिमा मुलुकबाट नेपाल भित्रीएको बर्थ डे खासगरीकन बालबालिका, किशोर किशोरी, युवा पुस्ता हुदैं बृद्धा बृद्धा सम्म पुगेको छ । तर बर्थ डे मनाउने शैली भने फरक फरकका छन् । अधिकांशले बर्थ डे को अवसरमा होटल तथा रेष्टुरेन्टमा ठूला ठूला पार्टिको आयोजना गर्दछन् । नाचगान गर्दछन् । त कयौंले सामाजिक क्षेत्रमा योगदान दिने गरेका छन् ।

यसैबीच रुपन्देहीमा एक शिक्षीकाले आफ्नो बर्थ डे अस्पतालमा मनाएकी छन् । ओमसतिया गाउपालिकामा रहेको श्रीराम जानकी आधरभूत विद्यालयको सहायक प्राचर्य तिर्था अर्यालले आफ्नो जन्मदिन विरामीहरुसंग मनाएकी हुन् ।

शुक्रबार २९ औं जन्मदिन मनाउने क्रममा उनले भैरहवाको भिम अस्पतालमा रहेका ५५ जना विरामीलाई फलफुल बितरण तथा विरामीको कुरुवा, चिकित्सक र अन्य कर्मचारीलाई केक खुवाएर मनाएकी हुन् ।

बुबा नन्दराम अर्याल र आमा रेनुका अर्यालको सुपुत्रीको रुपमा सैनामैना नगरपालिका वडा नं ५ बुद्धनगरमा जन्मिएकी उनको झापाका सनत कुमार ओलीसंग बैबाहिक सम्बन्ध कायम भएको छ । शिक्षण पेशामा आबद्ध उनले विदाको समय पनि सामाजिक सेवामा क्रियासील भएर बिताउने गरेको अर्यालको साथी सरोज ठकुरीले बताए ।

जन्मदिनको अवसरमा अस्पताल परिसरमा उनलाई शुभकामना दिदैं अस्पतालका इमरजेन्सी विभाग प्रमुख गोपाल उपाध्ययले अस्पतालमा रहेका विरामीकोलागी फलफुल बितरण कार्य अत्यन्तै प्रशसंनीय भएको बताए । उनले भने , ‘नया पुस्ता रेष्टुरेन्ट र होटलहरुमा रमाईरहेको बेला अर्यालको कार्य उदाहरणीय देखियो । सबैले यसलाइ अनुकरण गरेमा विपन्न परिवारका विरामी जो सरकारी अस्पतालमा उपचार गराउंछन तीनलाई ठूलो राहत मिल्न सक्छ । ’

सो अवसरमा सिद्धार्थनगरपालिका वडा नं १२ का सदस्य सरोज ठकुरीले नयां पुस्तालाई सामाजिक सेवामा सक्रिय बनाउनुपर्ने अभियान जरुरी रहेको बताए । उनले भने, ‘नयां पुस्ता सामाजिक सेवाबाट टाढीरहेको अवस्थामा शिक्षीकाले गरेको कार्य प्रशंसनीय छ । ’ अर्यालले विगतमा पनि बृद्धाश्रममा सहयोग दिने गरेको बताईन् । उनले यसअघि जनता आधारभूत विद्यालय विद्यार्थिहरुलाई टिफीन बक्स सहयोग गरेकी थिईन् ।

अस्पतालका विरामीलाई फलफुल बितरण गर्दा अत्यन्तै मन हर्षित भएको अर्यालले बताईन । उनले भनिन, ‘साथीहरुसंगै विरामीहरुसंग भलाकुसरी गर्दै थोरै भएपनि सहयोग गर्न पाउदाको क्षण स्मरणीय रह्यो ।

Vijay Steel Galaxy Crusher Chandrauta Kapilvastu Shivaraj
Advertisement Agriculture Development Bank Bahubali Cement
Advertisement Siddhartha Education Consultancy Chandrauta Kapilvastu Sadak Division Shivaraj Chandrauta Kapilvastu Shivaraj Chandrauta Kapilvastu Shivaraj Chandrauta Kapilvastu Bikar Etta Udhyog Kapilvastu: न्यु ज्याेति ईट्टा उद्योगको उत्कृष्ट ईट्टा,