राष्ट्रिय दलित मुक्ति जागरण अभियानको नगर अध्यक्षमा गंगा सदा
काठमाडौं-राष्ट्रिय दलित मुक्ति जागरण अभियानको नगर अध्यक्षमा गंगा सदा चयन हुनुभएको छ । सप्तरी खड्क नगरपालिकाको नगर सम्मेलनबाट सर्वसम्मत ढंगले नेतृत्व चयन गरेको हो ।
नगर अध्यक्षमा गंगा सदा, उपाध्यक्षमा राधा पासवान, विजली मण्डल, सचिवमा चन्द्रनारायण राम, सहसचिवमा हरेराम मण्डल, सदस्यहरुमा ११ वटा वाडाका वाडा अध्यक्ष र विभिन्न क्षेत्रका अनुभव प्राप्त दलित नेतृत्वहरु गरी ५१ सदस्यीय नगर कमिटी गठन भएको सप्तरी जिल्ला संयोजक प्रथमलाल रामले जानकारी दिनुभयो ।
सप्तरीको खड्क नगरपालिका कल्याणपुर बजारमा रहेको प्रावि स्कूलको प्रांगणमा सम्पन्न कार्यक्रमको प्रमुख अतिथि जागरण अभियानका पूर्वीसंयोजक राजेश विद्रोहीले गरेका थिए भने विशिष्ट अतिथि सप्तरी जिल्लाका संयोजक प्रथमलाल रामले गर्नु भएको छ ।
विद्रोहीले दलित माथिको विभेद प्रत्यक्ष र अप्रत्यक्ष रुपमा पशुवत ढंगले जकरीदै गएकोले अबको परिवर्तन, मुक्ति र अधिकारको आन्दोलन दलित समुदायले नै गर्ने र त्यसको नेतृत्व पनि दलित समुदायकै हुने वातावरण बन्दै गएको बताउनुभयो ।
त्यसैले हजारौं वर्षदेखि विभेदमा पारिएका दलितहरूलाए एक हुन आह्वान समेत गर्नु भएको थियो । त्यस्तै कार्यक्रममा विशिष्ट अतिथि र अतिथिहरुले पनि जागरण अभियान सम्बन्धि सबैले आफ्नो धारणा राखेका थिए भने नयाँ कार्यसमितिलाई बधाई तथा शुभकामना व्यक्त गर्नु भएको थियो ।
जागरण अभियानको पूर्वी र पश्चिम गरी दुईवटा केन्द्रीय संयोजक छ । पश्चिम संयोजक खगेन्द्र सुनार छ । यो जागरण अभियानले यसअघि पनि हजारौं दलितहरूको उपस्थितिमा सप्तरी , दैलेख, सुर्खेत, नेपालगन्ज, काठमाडौ लगायतका ठाउँमा ठूलाठूला कार्यक्रमहरु गर्दै आएका छन् । यतिबेला यो दलित जागरण अभियान ठूलो चर्चामा रहेका छन् ।
