बुद्धभुमीका उत्कृष्ट १२ कर्मचारी सम्मानित

सागर पौडेल, कपिलवस्तु
कपिलवस्तुको बुद्धभुमि नगरपालिका अन्र्तगतको नगरको १० औँ नगरसभाले उत्कृष्ट सेवा प्रवाह गर्ने विभिन्न शाखा र क्षेत्रका १२ जना कर्मचारीहरुलाई सम्मान गरेको छ । नगरपालिकाको याजना शाखाका नविन खनाल सहित अन्य विभिन्न विषयगत शाखाका कर्मचारीहरु सम्मानित भएका हुन् ।
नगरपालिकाको सेवा प्रवाहमा उत्कृष्ट साबित बनेका योजना अनुगमन शाखा प्रमूख खनाल सहित इन्जिनियर निकिता त्रिपाठी, सिअहेब गोकर्ण अर्याल, वडा नम्ब ८ का स्वास्थ्य चौकी ईन्चार्ज कमल ज्ञवाली, प्रधानमन्त्री रोजकागर कार्यक्रमका संयोजक रबिन चौधरी र प्रशासन शाखाकी बिन्दु शर्मा खरेललाई नगरपालिकाले सम्मान गरेको हो ।
नगर प्रमूख केशव कुमार श्रेष्ठ, उप मेयर मीरा थारु र प्रमुख प्रशाकीय अधिकृत केशवराज सुबेदीले दोसल्ला र कदर पत्र प्रदान गरी उहाँहरुलाई सम्मान गर्नुभएको हो ।

यस्तै नगरपालिको १० औँ नगरसभाले सरकारले तोके अनुसार बाल बिकास केन्द्रका सहजकर्ता र बिद्यालयमा कार्यरत कार्यालय सहयोगीहरुको तलब मासिक १५ हजार कायम गरेको छ । चालु आर्थिक बर्षको पुस महिना सम्म सहजकर्ताले मासिक साढे १२ हजार र कार्यालय सहयोगीले मासिक साढे ११ हजार तलब ब्ुझेका थिए । नगरपालिकामा रहेका ७२ सहजकर्ता र ५२ कार्यालय सहयोगीको माघ १ गते देखि लागु हुने गरी मासिक १५ हजार रकम दिने गरी सभाबाट पारित भएको मेयर केशव कुमार श्रेष्ठले बताउनुभयो ।
यस्तै ६० बर्ष उमेर हद पार गरेका २३ महिला स्वयम सेविकालाई सेवा अवधि भरको बार्षिक २ हजारका दरले प्रोत्साहन स्वरुप रकम दिने समेतबाट नगरसभाले निर्णय गरेको छ ।
यसैगरी सहायक लेखा पाल खुम बहादुर राउत, वडा नम्बर १ का वडा सचिव बिष्णु प्रसाद पौडेल, सर्पदंश केन्द्र गोरुसिंगका ब्यवस्थापक नबिन भण्डारी, वडा नम्बर ७ का सामाजिक परिचालक ओम प्रकाश गुप्ता, सवारी चालक फर्सुराम आचार्य र वडा नम्बर ४ का कार्यालय सहयोगी बिष्णु थारुलाई पनि नगर सभाबाट सम्मान गरिएको छ ।