आईपीएलः कोलकाताले पञ्जाबलाई ६ विकेटले हरायो

एजेन्सी – कोलकाता नाइट राइडर्सले आईपीएल २०२२ अन्तर्गत आफ्नो तेस्रो खेलमा खेलमा पञ्जाब किंग्सलाई ६ विकेटले पराजित गरेको छ । यो जितसँगै कोलकाता अंक तालिकाको शीर्ष स्थानमा पुगेको छ । पहिले ब्याटिङ गरेको पञ्जाबले कोलकातासामु १३८ रनको लक्ष्य दिएको थियो, जुन कोलकाताले चार विकेट गुमाएर पुरा गर्यो । कोलकाताका लागि आन्द्रे रसेलले सर्वाधिक ७० रन बनाए । उमेश यादवले चार विकेट लिए ।

कोलकाताका कप्तान श्रेयस अय्यरले टस जितेर पहिले बलिङ गर्ने निर्णय गरे । पञ्जाबको टोलीले ठूलो स्कोर बनाउन सकेन । १८.२ ओभरमा पूरै समेटिएर कुल १३७ रन बनाउन सक्यो । कोलकाताले उक्त लक्ष्य १४.३ ओभरमा पछ्यायो । आन्द्रे रसेल र साम बिलिङ्सले पाँचौं विकेटका लागि अविजित ९० रनको साझेदारी गर्दै टोलीलाई जित दिलाएका थिए । कोलकाताको टोली ५१ रनमा चार विकेट गुमाएर संघर्ष गरिरहेको थियो । यसपछि दुवैले उत्कृष्ट साझेदारी बनाए । रसेलले आफ्नो पारीमा आठ छक्का र दुई चौका प्रहार गरे भने बिलिङ्सले एक चौका र एक छक्का प्रहार गरे ।

पञ्जाबका लागि राहुल चाहरले यस खेलमा उत्कृष्ट बलिङ गर्दै चार ओभरमा १३ रन दिएर दुई विकेट लिए । यसमा मेडन ओभर पनि समावेश थियो । उनका अलावा ओडिअन स्मिथ र कागिसो रबाडाले एक–एक विकेट लिए । अर्शदीप सिंह, हरप्रीत ब्रार र लिभिङ्स्टनले कुनै सफलता हात पार्न सकेनन् । कोलकाताका ओपनिङ ब्याट्सम्यान यस सिजन फ्लप भएका छन् । पहिलो खेल बाहेक बाँकी दुई खेलमा ओपनिङ जोडीले खासै केही गर्न सकेनन् । यस खेलमा पनि रहाणे १२ रनमा आउट भएका थिए भने भेंकटेशले ३ रन बनाएका थिए । सोही क्रममा नितिश राणा पनि खाता नखोलेर पभिलियन फर्किए । कप्तान अय्यरले १५ बलमा २६ रन बनाए पनि ठूलो इनिङ खेल्न सकेनन् ।

उमेश यादवले कोलकाता टोलीलाई फेरि उत्कृष्ट सुरुवात गराए । उनले लगातार तेस्रो खेलमा पहिलो ओभरमै विकेट लिए । उनले कप्तान मयांक अग्रवाललाई पभिलियन पठाए । यसपछि उनले मध्य ओभरमा पनि विकेट लिए भने २३ रन दिएर चार विकेट लिएर आफ्नो आईपीएल करियरकै उत्कृष्ट प्रदर्शन गरे । उनी बाहेक टिम साउथीले २ विकेट लिए । शिवम मावी, सुनिल नारायण र आन्द्रे रसेलले एक एक विकेट लिए । टस हारेर पहिले ब्याटिङ रोजेको पञ्जाबको सुरुवात खासै रहेन । कप्तान पहिलो ओभरमै पभिलियन फर्किएका थिए । त्यसपछि भानुका राजपाक्षेले उत्कृष्ट ब्याटिङ गर्दै ९ बलमा ३१ रन बनाए । उनको इनिङ्समा तीन चौका र तीन छक्का सामेल थिए। राजापाक्षेको इनिङ्सका कारण पञ्जाबले पावरप्लेमा ६२ रन बनाएको थियो । अन्त्यमा रबाडाले सानदार रन बनाएर आफ्नो टोलीलाई सम्मानजनक स्कोरमा पुर्याए ।

राजापाक्षे आउट भएपछि पञ्जाब टोलीले नियमित अन्तरालमा विकेट गुमाउने क्रम जारी राखेको थियो । शिखर धवन १६, लिभिङ्स्टन १९ र राज बावाले ११ रन बनाएर आउट भए । शाहरुख खानले खाता पनि खोल्न सकेनन् । अन्तमा कागिसो रबाडाले १६ बलमा २५ रन बनाएर आफ्नो टोलीलाई सम्मानजनक स्कोरमा पुर्याए । तर, पञ्जाबको टोलीले यस खेलमा पूरा २० ओभर पनि खेल्न सकेन र १८.२ ओभरमा १३७ रन बनाएर आउट भयो