पीएसजी ट्रफी डेस च्याम्पियन्स, नेयमारले गरे दुई गोल
काठमाडौं । पेरिस सेन्ट जर्मेन (पीएसजी) ले ट्रफी डेस च्याम्पियन्सको उपाधि जितेको छ ।
आइतबार राति भएको खेलमा नान्टेसलाई ४-० गोल अन्तरले हराउँदै पीएसजीले उपाधि जितेको हो ।
पीएसजीलाई जित दिलाउन नेयमारले दुई गोल गरे ।
खेलको २२ औं मिनेटमा लियोनल मेस्सीले गोल गर्दै पीएसजीलाई सुरुआती अग्रता दिलाएका थिए ।
पहिलो हाफको इन्जुरी समयमा नेयमारले गोल गर्दै पीएसजीको अग्रता दोब्बर बनाए ।
खेलको ५७ औं मिनेटमा सर्जियो रामोसले गोल गर्दै पीएसजीलाई ३-० को अग्रता दिलाए ।
खेलको ८१ औं मिनेटमा जिन चार्लेसले रातो कार्ड पाएपछि नान्टेस १० खेलाडीमा समेटियो ।
त्यसपछि खेलको ८२ औं मिनेटमा नेयमारले पेनाल्टीमा गोल गर्दै पीएसजीलाई ४-० को जित दिलाए ।