बार्सिलोनाको पहिलो जित,सोसिडाडलाई ४-१ गोल अन्तरले हरायो
एजेन्स – स्पेनिस ला लिगा फुटबलमा बार्सिलोनाले पहिलो जित निकालेको छ ।
गए राति भएको खेलमा रियल सोसिडाडलाई ४-१ गोल अन्तरले हराउँदै बार्सिलोनाले सिजनको पहिलो जित निकालेको हो ।
बार्सिलोनालाई जित दिलाउन रोबर्ट लेवान्डोस्कीले दुई गोल गरेका थिए । यस्तै ओसुमाने डेम्बेले र अन्सु फातीले एक एक गोल थपे ।
सोसिडाडका एलेक्सजेण्डर इसाकले एक गोल फर्काएका थिए ।
यस जितसँगै बार्सिलोनाले २ खेलमा ४ अंक जोड्दै पाँचौं स्थानमा रहेको छ ।
सोसिडाड २ खेलमा ३ अंक जोडेर दशौँ स्थानमा छ ।