बैंक तथा फाइनान्सले घटाए ब्याजदर
काठमाडौँ- वाणिज्य विकास बैंक तथा फाइनान्स कम्पनीले बुधबारदेखि लागू हुने गरी ब्याजदर घटाएका छन् । वाणिज्य बैंकहरुको छाता सङ्गठन नेपाल बैंकर्स सङ्घले चैतमा कर्जा र निक्षेपकोे ब्याजदर घटाउने निर्णय गरेको बैंक तथा वित्तीय संस्थाले आज सूचनामार्फत सो कुराको जानकारी गराएका छन् ।
भोलि चैत १ गतेदेखि निक्षेपमा शून्य दशमलब चार प्रतिशत र कर्जामा एक प्रतिशत प्रिमियम दर घटाउने निर्णय भएको सङ्घका अध्यक्ष सुनिल केसीले बताउनु भएको छ ।
उहाँले सङ्घ ऋणको ब्याजदर घटाउनमा केन्द्रित भएको जनाए ।