कालीमाटीका विपन्न परिवारलाई जस्तापाता वितरण
सल्यान- जिल्लाको कालीमाटी गाउँपालिका भित्र बसोबास गर्ने विपन्न परिवारलाई जस्तापाता वितरण गरिएको छ । कालीमाटी गाउँपालिकाले पालिका भित्र बसोबास गर्ने अति विपन्न २८० परिवारलाई जस्तापाता वितरण गरेको हो ।
गाउँपालिका अध्यक्ष दानबहादुर केसीले सात वडा रहेको पालिकामा प्रत्येक वडाबाट ४० गरी २८० घरलाई पाता वितरण गरिएको बताउनुभयो । प्रमुख प्रशासकीय अधिकृत कृष्णप्रसाद पौडयालले वडा कार्यालयको सिफारिस अनुसार पहिलो चरणमा लक्षित समुदायलाई जस्तापाता वितरण गरिएको बताउनुभयो ।