आईपीएल क्रिकेट : राजस्थानले गुजरातलाई हरायो
एजेन्सी -इन्डियन प्रिमियर लिग आईपीएल क्रिकेटमा गुजरात टाइटन्सलाई हराउँदै राजस्थान रोयल्स विजयी भएको छ ।
गएराति अहमदावादमा भएको खेलमा राजस्थान ३ विकेटले विजयी भएको हो ।
गुजरातले दिएको १ सय ७८ रनको लक्ष्य राजस्थानले १९ ओभर २ बलमा ७ विकेटको गुमाएर जित लिकालेको हो ।
राजस्थानका लागि कप्तान सञ्जु सामसन ६० रन बनाए भने हिटमायरले ५६ रन बनाए । यस्तै, देवदत्त पडिकलले २६, ध्रुव जुरेले १८ रन बनाए।
गुजरातका लागि मोहम्मद सामीले ३ विकेट लिए भने राशिद खानले २ तथा हार्दिक पान्डे र नुर अहमदले १ – १ विकेट लिए । त्यसअघि टस हारेर पहिले ब्याटिङ गरेको गुजरातले २० ओभरमा ७ विकेट गुमाएर १ सय ७७ रन बनायो ।
जितसँगै राजस्थान ८ अङ्कका साथ तालिकाको शीर्ष स्थानमा कायमै छ । गुजरात भने ६ अङ्कका साथ तेस्रो स्थानमा छ ।
