नेपालले अमेरिकालाई ६ विकेटले हरायो
काठमाडौँ — भीम सार्कीको अर्धशत बनाएसंगै नेपालले विश्वकप छनोटमा पहिलो जित हात पारेको छ ।
नेपालले अमेरिकालाई ६ विकेटले हराएको छ । २ सय ८ रनको विजयी लक्ष्यसहित जवाफी ब्याटिङमा उत्रिएको नेपालले ४३ ओभरमा ४ विकेट गुमाउँदै अमेरिकालाई हराएको हाे ।
नेपालका लागि भीम सार्कीले अविजित रहँदै ११४ बलमा सर्वाधिक ७७ रन बनाए । भीमले ७ चौका र १ छक्का प्रहार गरेकाे थिए ।
यस्तै दीपेन्द्रसिंह ऐरीले पनि अविजित रहँदै ३९ रन बनाए ।
कुशल भुर्तेलले ३९ रन बनाए ।
यसअघि नेपालसँग टस हारेर पहिले ब्याटिङ गरेको अमेरिका ४९ ओभरमा २ सय ७ रनमा अलआउट भएको थियो ।
