मोटरसाइकल चोरी गरेको आरोपमा पर्साबाट तीनजना पक्राउ
पर्सा- पर्सा प्रहरीले चोरीको मोटरसाइकलसहित तीनजनालाई पक्राउ गरेको छ । उनीहरुलाई प्रहरीले वीरगञ्जको भानुभोकबाट पक्राउ गरेको हो ।
पक्राउ पर्नेमा वीरगञ्ज महानगरपालिका-१५का २२ वर्षीय कैलाश महतो, कलैया उपमहानगरपालिका-४का २२ वर्षीय विनयराज शर्मा र फेटा गाउँपालिका-३ बाराका २० वर्षीय रविन कुमार साह रहेका छन् ।
उनीहरुले भारतीय नागरिक अरुण कुमार चौरसियाको बीआर२२एटी ९३२६ नम्बरको रोयल इनफिल्ड बुलेट बाइक कार्तिक १२ गते होटलमा पार्किङ गरि राखेको ठाउँबाट चोरेको प्रहरीको दाबी छ । उनीहरुले चोरी गरी उक्त बाइकमा बा८२प६४६० नम्बरको नयाँ नम्बरप्लेट लगाइ चलाउँदै आएका प्रहरीको भनाइ छ ।पक्राउ परेका उनीहरुमाथि चोरी सम्बन्धी कसूरमा अनुसन्धान अगाडि बढाइएको पर्सा प्रहरीले जनाएको छ ।